لە چوارچێوەی جێبەجیکردنی ستراتیژی ڕووبەڕوو بووبەوەی گەندەڵی لە هەرێمی کوردستان یەکەم کۆبوونەوەی تایبەت بە میدیا و دەزگاکانی ڕاگەیاندن لە نێوان دەستەی دەسپاکی و فەرمانگەی میدیا و زانیاری و وەزاراتی ڕۆشنبیری و سەندکای ڕۆژنامەنووسانی undp بەڕێوەچو.
ڕۆژی دووشەممە ٦/١٠/٢٠٢٥ بە ئامادەبوونی نوێنەرانی دەستەی دەسپاکی و فەرمانگەی میدیا و زانیاری سەربە ئەنجومەنی وەزیران و وەزارەتی ڕۆشنبیری و سەندیکای ڕۆژنامەنووسانی کوردستان و undp ، یەکەم کۆبوونەوەی تایبەت بە جێبەجێکردنی ستراتیژی ڕووبەڕوو بوونەوەی گەندەڵی لە هەرێمی کوردستان تایبەت بە میدیاو دەزگاکانی ڕاگەیاندن بەڕیوەچوو.
لە کۆبوونەوەکەدا نوێنەرانی هەریەک لە وەزارەتی ڕۆشنبیری و سەندیکای ڕۆژنامەنووسانی کوردستان ڕاسپێردران بە گوێرەی ئەو پێوەرانەی کە دەستەی دەسپاکی و undp پێشنیازیان کرد ئەو میدیا و دەزگا ڕاگەیاندنانە دەستنیشان بکەن کە نیازمان وایە لە داهاتوو لە چوارچێوەی کۆبوونەوەیەکی چەند ڕۆژەی بەر فراوان گفت و گۆ لەسەر دیاریکردنی ڕەشنووسێک بکرێ کە تیایدا شەفافیەت و دەسپاکی تیایدا ڕەچاو بکرێت .
ئامادەبوانی کۆبوونەوە بریتی بوون لە هەریەکە:
١ – شێروان عەوڵا بەڕێوەبەری گشتی لە وەزارەتی ڕۆشنبیری
٢ – فەرزین کەریم نوێنەری فەرمانگەی میدیاو زانیاری
٣ – ئەکەد مراد بەرپرسی بەشی پەیوەندی لەگەڵ ڕێکخراوە ناحکومیەکان
٤ – دارەوان نورالدین بەرپرسی بەشیی پەیوەندی لەگەڵ ڕێکخراوە نێودەوڵەتیەکان
٥ – سەرخێڵ هاشم بەرپرسی بەشی ڕاگەیاندن لە دەستە
٦ – هێلین شێرکۆ ڕێکخەر لەگەڵ ڕێکخراوە نێودەوڵەتیەکان لە دەستەی دەسپاکی
٧ – سەلام عمر نوێنەری MICT
٨ – خەلدوون العتابی نوێنەری UNDP